Home Beseda po domaću Antiratni poetski kantunić Josa Fafanđela: rat i MIR

Antiratni poetski kantunić Josa Fafanđela: rat i MIR

0
Antiratni poetski kantunić Josa Fafanđela: rat i MIR

Foto: Foto: Kristina Ribarić

 

MUHE NA STAKLU

 

Govoru da pamet svita naprvo gre

I slušan to svaki božji dan

Unda mi priz oči rat prezentaju

Bumbe, avijoni, topi

I kako sotone veli brodi

Prezentaju mi pucanja, dim, krv

Mrtvi ljudi i dicu va strahu i plaču

Sve to mi vidimo

Ma isto kako pijani njorimo

I bubamo simo-tamo

Kako muhe va staklo!

 

Čigova je to pamet šla naprvo?

Pamet od čovika, govoru

Od čovika ne

Boj oni ča ratuju i oni su čovik do čovika

I oni su ljudi

A mi smo pametniji, tobože

Za koga unda i mi činimo sve te bumbe

Topi, avijoni i sve one dežgracije

Za jedan drugoga zatrt, strašit i ubijat

 

I celi svit je zotin va igri

Jedni ratuju danas, a drugi će zutra

Ne, pamet svita još ni narasla

Morala bi puno veća bit

Da pridase raščinimo ograde i ploti

Da nan besede budu čiste

Da od zajikov znememo sve šporkice

Svaku – i velu i malu draču

Da nan oci ne ginu, matere ne patu

I da nan dica za vike vikova

Više nikad ne strahuju – i ne plaču!

Pretplati se
Obavijesti me o
guest
0 Comments
Inline Feedbacks
View all comments